President Message

Murari.L

President of MADITSSIA

Message

எந்த ஒரு செயல் அல்லது அதன் பாதிப்பு மற்றும் அதற்கான காரணங்களை சட்ட ரீதியாக பார்க்கும் ஒரு தவறான பார்வையை, நோக்கத்தை நம்முள் ஆழ பதித்துவிட்டுச் சென்று விட்டது நம்மை ஆண்ட ஆங்கிலேய அரசு. அது நமது இறையான்மையை, கலாச்சார மேன்மையை கொன்றுவிட்டது என்று சொன்னால் அது மிகையில்லை.

உதாரணமாக குற்றவாளி பிறக்கிறானா ? அல்லது உருவாக்கப்படுகிறான ? என்ற கேள்வி உளவியலில் பெரும் விவாதப்பொருள் என்றாலும் அதற்கான உண்மையான காரணம் சமூகமே. ஏனென்றால் குற்றத்திற்கான காரணம் மற்றும் பாதிப்பு இரண்டுமே சமூகத்தை சேர்கிறது. ஆனாலும் நாம் சட்ட ரீதியாக பார்க்கும் அளவுக்கு குற்றங்களை சமூகரீதியாக பார்க்கத்தவறுகிறோம் என்பது மிகவும் வருத்தத்திற்குரிய உண்மை.

போதை மருந்து, திருட்டு, வன்முறை, பிச்சை, கடத்தல் மற்றும் தீவிரவாதம் போன்ற எல்லா குற்றச் செயல்களிலும் சிறுவர்களே அதிகம் பயன்படுத்தப்படுகிறார்கள். காரணம் அவர்களின் வறுமை, பசி, அறியாமை போன்றவைகளுடன் கூடிய வேலையின்மை, சுற்றியுள்ள சமூகப் பின்னணியின் கேலிப்பேச்சு அவமானகரமான அணுகுமுறை என்ற பட்டியலை பற்றி சட்டத்திற்கு எந்த ஒரு புரிதலும்  இல்லாமைதான். சமூகமும் அதற்கான காரணம் பற்றி அக்கறையின்மையோடு இன்னும் சுதந்திர தினத்தைக் கொண்டாடுவதைக் கூட சுதந்திரமாக மறந்து திரிவதும் அதன் விளைவு தான்.

சிறுவர்களை கல்வி கற்கும் வயதில் வேலைக்கு அமர்த்துவது சட்டரீதியாக தண்டனைக்குரியது என்று பயமுறுத்தும் சட்டங்களை ஒரே ஒரு நிமிடம் அவர்களின் சமூக சுற்றுப்புறசூழல் மற்றும் குடும்பப் பின்னணியையும் கொண்டு இயற்ற முடியுமானால், ஒரு பெரிய மானுடவியலின் சரித்திரத்தை திரும்பவும் சிறப்பாக கட்டமைக்க முடியும்.
உதாரணமாக சிறு, குறுந்தொழில் நிறுவனங்களில் சிறுவர்களை வேலைக்கு அமர்த்திக்கொள்ளலாம், ஆனால் அவர்கள் பகுதிநேரக்கல்விக்கூடங்களில் அல்லது தபால் வழிக்கல்விக் கூடங்களில் கல்விகற்கும் வாய்ப்பை அளிக்கவேண்டும். அப்படி கல்விகற்கும் மாணவர்களில் 70 சதவீதம் போர் வெற்றி பெற வைப்பது அந்த தொழிற்கூடத்தின்; கடமை. தவறும்பட்சத்தில் அந்த சிறு, குறுந்தொழில் நிறுவனத்தின் சிறுவர்களை பணியமர்த்தும் தகுதி ரத்து செய்யப்படும் என்று சட்டத்தில் மாறுதல் செய்யப்படலாம்.
இத்தகைய சூழலால் சிறுதொழிலும் தழைக்கும், சிறுவர்கள் தங்கள் குடும்ப சூழலை மாற்றவும், உயர்கல்வி பெறவும் ஒரே கல்லில் இரண்டுமாங்காய் என்ற பலனைத் தருவதாகவும் அமையும்.

ஏனென்றால் ITI போன்ற தொழிற்கல்வி படித்த மாணவர்கள் கூட 8 மணி நேரம் சிறு, குறுந்தொழிற் கூடங்களில் வேலை செய்வதை விட, 12 மணி நேரம் குளிரூட்டப்பட்ட பெரிய துணிக்கடைகள் போன்றவற்றில் வேலை செய்வதையே பெருமையாக நினைக்கிற காலகட்டத்தில் இது போன்ற சட்ட மாற்றம் சிறு குறுந்தொழில்களுக்கு முன்னேற்றத்திற்கும் உதவும்.

அன்பு, மன்னிப்பு, நன்மதிப்பு அங்கீகாரம், ஆதரவு, ஊக்குவிப்பு இவைகளுடன் கட்டுப்பாடும், தனிப்பட்ட கண்கானிப்பும் அவர்களை நல்ல சமூக அங்கத்தினர்களாக உருப்பெற வைப்பதோடு எதிர்காலத்தில் தன்னம்பிகையோடு வாழத்தேவையான சிறுதொழிலைக் கற்றுக் கொள்ளும் திறன் மேம்பாடு மையமாகவும் (Skill Development Centre) சிறுதொழில் நிறுவனங்கள் திகழும் என்பதையும் இந்த சுதந்திர தினத்தின் புதிய எழுச்சி கீதமாக சமர்ப்பிக்கின்றோம்.

அனைவருக்கும் சுதந்திர தின நல்வாழ்த்துக்கள்.

Layout Settings